Вашингтон, 26. октомври 2014 (ИНПРЕС) – Кај тинејџерите постои поголем ризик да страдаат од депресија, покажува истражувањето објавено во списанието „Clinical Psychological Science“.
– Адолесцентите почесто покажуваат симптоми на депресија. Причините поради кои адолесцентите почесто се тажни и замислени се кријат најчесто во нивните односи со луѓето околу нив, истакнуваат американските научници.
Во истражувањето кое траело три години учествувале 400 момчиња и девојчиња.
За да се избегнат несаканите последици, потребно родителите навреме да ги констатираат знаците на тинејџерската депресија. Тоа се раздразливоста, тагата, промените во навиките на спиење и хранење, лутината и ниската самодоверба.
Научниците истакнуваат и дека депресијата во тинејџерските години е двојно позастапена кај девојките, отколку кај момчињата. (Крај)
извор: Health фото: архива
