Missing image

Регистрирани 76 лица заболени од жолтица

Скопје, 27. август 2014 (ИНПРЕС) – Низ државата секојдневно се зголемува бројот на заразените од жолтица.

Во последните два дена беа регистрирани три нови случаи. Тринаесетгодишно девојче од Шуто Оризари е заразено и хоспитализирано на Kлиниката за инфективни болести. Лекарите велат дека нема епидемиолошка поврзаност на заразата. Вкупниот број заразени досега е 76, од кои 17 се згрижени на Kлиниката за инфективни болести во Скопје, а двајца се на лекување во Градската општа болница „8 Септември“.

Во Штип, пак, се` уште оперираат со бројка од триесетина заразени од хепатитис А.

Лекарите препорачуваат да се зголеми хигиената и да се изврши дезинфекција на училиштата и на градинките.

Во Kуманово последниве две недели се регистрирани три случаи на заразна жолтица. Сите три се девојчиња од 13 до 29 години, а едно од нив е хоспитализирано во кумановската болница. (Крај)

извор: Дневник фото: архива