Лондон, 31. август 2017 (ИНПРЕС) – Како најава за новиот албум „Songs of Experience“, U2 ја издадоа новата песна „The Blackout“.
Станува збор за динамична песна со фантастиен ритам и силна бас линија, која претставува одлична најава за она што може да го очекуваме од новиот албум на групата, која последен пат издаде албум во 2014-та година, кога ни го подари Греми-номинираниот „Songs of Innocence“.
Видеото за „The Blackout“ се снимаше за време на европскиот дел од „The Joshua Tree 2017“ турнејата. Текстот зборува за тоа како полека ја уништуваме планетата Земја, но има и одредени политички конотации.
„The Blackout“ е првичната понуда од „Songs of Experience“, албумот кој официјално ќе се појави на 6-ти септември, кога ќе биде објавен и првиот официјален сингл од албумот „You’re the Best Thing About Me“.
Новиот сингл на култната Ирска група ќе биде промовиран на Супер радио, денес нешто по 11:00 часот, во рамките на емисијата „Диши длабоко“ со Даниел. (Крај)
извор: Инпрес фото: архива