Federer

Три АТП-награди за Федерер

Лондон, 12. ноември 2017 (ИНПРЕС) – Роџер Федерер зад себе има неверојатна сезона што ќе ја заврши со настапот на завршниот мастерс во сезоната, каде што, според прогнозите, заедно со Рафаел Надал е најсериозниот кандидат за освојување на трофејот.

Поради тоа, АТП му додели на Швајцарецот три награди – 15. пат во исто толку години е избран за омилен тенисер, 13. пат, а седми пат во низа, ја доби наградата за ферплеј „Стефан Едберг“ за која гласаат тенисерите, а прв пат во кариерата ја доби наградата за камбек на годината.

По шестмесечната пауза, Федерер годината ја започна на 17. место на АТП-листата, а откако освои седум турнири, меѓу кои Австралија опен и Вимблдон, тој стигна до второто место на листата. Пред него е само Рафаел Надал, кој 2017 ќе ја заврши на челната позиција на АТП-листата.

Покрај Федерер, лауреати на АТП за 2017 година се браќата Брајан (најдобар дубл) и Денис Шаповалов (играч што најмногу напредувал). (Крај)

извор: Макфакс фото: архива

Share on FacebookTweet about this on TwitterShare on LinkedInPin on Pinterest