argwentina mundijal

Шок за „Гаучосите“ пред почетокот на подготовките за Мундијалот

Буенос Аирес, 23. мај 2018 (ИНПРЕС) – Фудбалската репрезентација на Аргентина доживеа вистински шок на три недели пред почетокот на СП во Русија.

Поради повреда на коленото на Мундијалот нема да биде првиот голман на Гаучосите Серхио Ромеро, а селекторот Сампаоли на местото на него го повика голманот Гузман.

Искусниот 31. годишен голман на Манчестер Јунајтед веќе неколку години е прв избор за голот на Аргентина. Така требаше да биде и ова лето, но повредата на коленото пред самиот почеток на припремите го спречи за настап во Русија.

Улогата прв голман најверојатно ќе му припадне на 36. годишниот голман на Челси, Кабалеро, а покрај повиканиот Гузман на списокот е и чуварот на мрежата на Ривер Плата, Франко Армани.

Гаучосите првенството го отвараат на 16 јуни против Исланд, а во групата се уште Хрватска и Нигерија. (Крај)

извор: Спортски.мк фото: Спортски.мк

Share on FacebookTweet about this on TwitterShare on LinkedInPin on Pinterest