dijabetes1-640x359

Баланс МК: 14-годишно дете од Охрид е во кома на КАРИЛ, не му го откриле дијабетот!

Охрид, 24. јули 2018 (Inpress) – Три дечиња од Република Македонија, четиригодишно дете од Свети Николе, деветгодишно дете од Гевгелија и 14 годишно дете од Охрид, поради човечката и пред се’ докторска некомпетентност и незнаење, односно погрешно „утврдени“ дијагнози биле доведени во животозагрозувачка состојба, информираа од Асоцијацијата за детски дијабетес на Македонија – Баланс МК.

– Трите деца имале дијабетес тип 1, но оние кои што медицински ги третирале едноставно тоа првично не го утврдиле, па ги лекувале така како што ги лекувале. Во моментов четиригодишното и дветгодишното дете се вон животна опасност со претуркани тешки форми на кетоацидози, додека 14 годишното дете од Охрид е се` уште во кома и во тешка здравствена состојба. Сместено е на КАРИЛ, кома центарот за реанимација и интензивна нега при Клинички Центар. И затоа пред да продолжиме да го кажеме она што нужно, ќе го кажеме околу овој стравичен случај на човечка, но пред се` и системска катастрофа што ја преживува секој обичен македонски граѓанин. Ве замолуваме макар за миг длабоко од срцето да упатиме позитивна мисла, молитва или што и да е за спас на овие за сите нас скапоцени, но за неписмениот систем и институциите очигледно наметнати жртви, се наведува во соопштението од Асоцијацијата.

Од таму објавуваат дека ќе тргнат во безпоштедна борба со сета неписменост за оваа воопшто неретка болест.

– Во Република Македонија 180.000 лица боледуваат од дијабетес, а ние не знаеме што е дијабетес, ниту ја препознаваме неговата симптоматологија. Бараме Министерството за здравство во рок од 48 часа да го истражи случајот и сите одговорни за трагедијата со трите деца да бидат соодветно нормативно процесуирани, вклучително и кривично. Бараме медицинската фела, конечно и неотповикливо, наместо лигавеење пред политичко-бизнисменските номенклоатури да се дигне во одбрана на сопствениот човечки и стручен интегритет, но и во одбрана на јавното здравје, стои во соопштението. (Крај)

извор: Фокус фото: архива

Share on FacebookTweet about this on TwitterShare on LinkedInPin on Pinterest