Туристичката инспекција спроведува засилени контроли

Охрид, 18. јули 2019 (ИНПРЕС) – Во екот на главната туристичка сезона, очекувано зголемен е обемот на работа на туристичката инспекција од општинскиот инспекторат.

– Покрај контролата на туристичките објекти, редовно се контролираат и туристичките водичи, кои водат организирани групи гости. Во најголем број контролите покажуваат почитување на Законот за туристичка дејност, а само во еден случај е изречена глоба на неовластен туристички водич од странство. Во оваа прилика се потсетуваат хотелите и другите туристички капацитети, да им укажат на гостите дека треба да користат лиценцирани туристички водичи за обиколка на археолошките локалитети и другите знаменитости, информираат од општина Охрид. (Крај)

извор: Општина Охрид фото: ИнПрес