Охрид, 29. октомври 2019 (ИНПРЕС) – 57-годишниот А.М. од Охрид доби кривична пријава поради постоење сомневање за сторено кривично дело „несовесно работење во службата“.
– Како директор на ЈЗУ „Завод за здравствена заштита“ од Охрид, во 2015 година, без да го испита пазарот на цени на моторни возила и без да ангажира стручни лица – проценители набавил две возила по повисока цена. А.М. иако знаел дека ист понудувач за исти возила дал две понуди од кои втората со понудена повисока цена од 405.919 денари, несовесно постапил и ја дозволил набавката по повисоката цена. Во врска со наведеното, пријавениот го игнорирал укажувањето на Бирото за јавни набавки и не дозволил да се испита реалноста на понудените цени од стручните лица, со што предизвикал материјална штета на јавната здравствена установа во вкупен износ од 1.505.165 денари, информираат од МВР. (Крај)
извор: МВР фото: архива
