ohridsko-leto-i-mob

„Охридско лето“ и МОБ со срце за Сара

Охрид, 2. ноември 2018 (ИНПРЕС) – Националните установи „Охридско лето“ и Македонската опера и балет се вклучуваат во акцијата за помош на младата Сара Настеска од Охрид со изведба на детската балетска претстава „Петар Пан“.  Претставата ќе се одигра на 29-ти ноември на сцената на МОБ во Скопје.

Во рамки на хуманитарната акција претходно за децата од Охрид кои ќе бидат дел од оваа хуманитарна акција ќе биде организирана посета на МОБ со цел истите да се запознаат со работата на оваа националната установа.

На 15 – годишната Сара и е неопходна трансплантација на коскената срж за што се потребни 200 000 евра. Приходот од влезниците ќе оди на сметката за помош на семејството Настески од Охрид.

Во претставата настапуваат солисти и балетскиот ансамбл на Македонската опера и балет. Петар Пан е лик создаден од шкотскиот романописец и драматург Џ.М. Бери. Тој е палаво момче кое може да лета и го минува своето детство на малиот остров Недојдија како лидер на неговата банда „Изгубени момчиња“ заедно со сирени, самовили и пирати. (Крај)

извор: ИнПрес фото: архива

Share on FacebookTweet about this on TwitterShare on LinkedInPin on Pinterest