hakaton

Прв Хакатон на Охридска банка Сосиете Женерал

Скопје/Охрид, 7. ноември 2018 (ИНПРЕС) – Охридска банка Сосиете Женерал во соработка со Солвео го организира првиот OBSG BUZZ Хакатон и отвара повик до сите млади дизајнери, девелопери и други мотивирани поединци, кои се спремни да се вклучат во креирање на мобилната банка од иднината.

Целта на овој 54-часовен OBSG BUZZ – предизвик кој ќе се одржи од 30.11.2018 до 02.12.2018 година е да се пронајдат и креираат нови начини на интеракција на Банката со корисниците. Односно, 50 млади и талентирани умови во тимови ќе имаат можност да работат на креирање иновативно, но истовремено и апликативно решение со кое ќе ја креираат мобилната банка на иднината, а истовремено ќе се борат за награда од 1.500 евра во денарска противвредност.

За време на OBSG BUZZ хакатонот, учесниците ќе треба да креираат предлог – решенија за концептот на мобилното банкарство во иднина, кое ќе се осврне на аспектите кои треба да се подобрат, иновациите кои се потребни за подобро функционирање на мобилната банка и функционалности кои ќе одговараат на модерниот начин на живот. На крајот на настанот секој тим ќе го презентира своето идеално решение пред комисија која ќе го прогласи победникот на OBSG BUZZ Хакатонот.

На OBSG BUZZ Хакатон можат да се пријават сите кои сметаат дека можат да одговорат на овој предизвик, сакаат да креираат нови решенија, имаат искуство во дизајн, маркетинг, програмирање, бизнис, финансии, сакаат да запознаат нови контакти и се тимски играчи. Пријавите за учество може да бидат индивидуални или заедно со уште еден партнер. Сите заинтересирани потребно е да пoполнат апликација за учество. Повеќе информации за повикот може да се прочитаат на следникот линк. (Крај)

извор: Охридска банка фото: Охридска банка

Share on FacebookTweet about this on TwitterShare on LinkedInPin on Pinterest