gripvakcina-640x360

Минатата недела пет смртни случаи од компликации од грип, почина и едно лице од Охрид

Скопје/Охрид, 5. април 2019 (ИНПРЕС) – Во текот на изминатата недела, регистрирани се пет смртни случаи асоцирани со грип, од тоа кај две лица е утврдена претходна хронична болест/ко-морбидитет.

– Петмината починати се од Охрид, Скопје, Делчево, Крива Паланка и Тетово, на возраст од 39-75 години, соопштија од Институтот за јавно здравје, јави novatv.mk.

Кај тројца од починатите е изолиран А(H1pdm) вирусот на грип, а кај еден несубтипизиран тип А. Вкупниот број на смртни случаи асоцирани со грип во текот на 2018-та – 2019-та година, досега е 28.

Во текот на 13-та недела од 2019 година (периодот од 25.03 до 31.03.2019 година), се пријавени 478 случаи со заболувања слични на грип, што е за 51 отсто намалување во споредба со претходната недела.

Во споредба, пак, со 13-та недела од минатата сезона бројот на пријавени лица со симптоми на грип е поголем за 23,8 отсто. (Крај)

извор: novatv.mk фото: архива

Share on FacebookTweet about this on TwitterShare on LinkedInPin on Pinterest