Скопје и Софија заеднички ќе ги чествуваат Светите Кирил и Методиј

Софија, 11. април 2019 (ИНПРЕС) – Денес во Софија продолжија разговорите на Мешовитата македонско-бугарска експертска комисија.

Бугарската агенција БгНес, повикувајќи се на изјава на копретседателот на Комисијата од бугарска страна Ангел Димитров, објави дека двете страни постигнале согласност за чествувањето на светите браќа Кирил и Методиј.

Директорот на Институтот за национална историја Драги Ѓорѓиев, кој го предводи македонскиот тим историчари, оценил дека е постигнат сериозен напредок само за неколку месеци, посебно околу историските несогласувања меѓу двете земји во периодот на 60-70 години од минатиот век.

Копретседателот на Комисијата од бугарска страна Ангел Димитров констатира дека успехот во Комисијата ќе биде постигнат тогаш кога „на воздржан начин ќе се каже историската вистина“. Тој нагласи дека несогласувањата се однесуваат на учебниците за основните училишта во Северна Македонија.

Се очекува денеска на крајот од дводневната средба во Софија, Димитров и Ѓорѓиев да имаат заедничка средба со новинарите на која ќе информираат за резултатите од разговорите. (Крај)

извор: Скопје 1 фото: архива

Share on FacebookTweet about this on TwitterShare on LinkedInPin on Pinterest