Охридскиот тенисер Стојаноски MVP во Југозападниот дел на САД

Охрид, 20. мај 2019 (ИНПРЕС) – Охридскиот тенисер Стојан Стојаноски имаше одлична прва сезона во САД, по освојувањето на Државното првенство за мажи во Македонија.

– Тој продолжи со одличната игра и се натпреваруваше против најдобрите играчи во Американската Универзитетска NCAA лига. Беше избран во најдобриот тим во Југозападниот дел на Америка и истовремено беше избран за MVP (најдобар играч), односно најдобар студент-спортист на Универзитетот Алкорн. На овој универзитет во Мисисипи од минатата година се придружи и Ѓорѓи Поповски, уште еден македонски тенисер, па тие како македонска двојка имаа исклучителни резултати и беа еден од најдобрите парови во Конференцијата, информираат од тимот на Стојаноски.

Стојан студира компјутерски науки и својата извонредност ја пренесува и на академски план, завршувајќи ја втората година со највисоки оценки, при што добива бројни признанија од деканот на универзитетот за одличните резултати и за својата посветеност кон студиите. (Крај)

извор: ИнПрес фото: архива

Share on FacebookTweet about this on TwitterShare on LinkedInPin on Pinterest