Охрид, 29. мај 2020 (Inpress) – Капитенот Крсте Андоновски и Иван Тасески продолжуваат со ГРК Охрид.
Охридското дуо и следната сезона ќе биде важна алка во екипата и соблекувалната продолжувајќи ја соработката со „гладијаторите“.
По продолжувањето на соработката со стратегот Раде Стојановиќ, охридскиот ракометен клуб и натаму работи на задржување на костурот на екипата од минатата сезона. Па, претходно ги продолжи и договорите со триото интернационалци Јагош Брауновиќ, Филип Кривокапиќ и Денис Тот, а пред десетина дена и со поранешниот младински репрезентативен голман Никола Даниловски и левиот бек Мартин Манасков. (Крај)
извор: Inpress фото: архива