Темелковски: Штетите од невремето во охридско се од помал обем, за среќа без поврдени лица

Охрид, 11. јули 2019 (ИНПРЕС) – Паднати дрва, оштетени угостителски објект, камп приколки и шатори е билансот од вчерашното невреме што го зафати охридскиот регион, проследено со силен пороен дожд и електрични празнења.

Од Центарот за управување со кризи во Охрид велат дека штетите се од мал обем и за среќа нема поврдени лица.

– Најмногу штети имаше во Трпејца, Љубаништа и комплексот Св. Наум, пред сé поради паднати постари дрва. Причинета е материјална штета врз еден угостителски објект во Трпејца, неколку кајчиња, врз камп приколки и шатори во авто камп „Љубаништа“ и врз одредни помали објекти, покривна конструкција и опрема која не била прицврестена во комплекс Св.Наум. Поврдени за среќа нема, материјалните штети се од помал обем, изјави за Супер радио и OhridPress Митко Темелковски од ЦУК.

Image may contain: outdoor and nature

Поради удар од гром во трансформаторот во селото Шум, пумпната станица која ги снабдува со вода Струга и околината моментално не работи, па жителите се без вода. Темелковски вели дека екипи на ЕВН работата на санирање на состојбата.

За разлика од кај нас, невремето од другата страна на Галичица, во Преспа, предизвика многу поголеми штети. (Крај)

извор: ИнПрес фото: архива