Светска банка: Околу 500.000 лица се иселиле од државава

Вашингтон/Скопје, 9. октомври 2019 (ИНПРЕС) – Две третини од иселените од Македонија се работоспособни, а останатата третина е високостручен кадар, од кој најголем дел е од ИТ секторот, покажуваат податоците презентирани во полугодишниот извештај на Светска банка за Западен Балкан.

Вкупната бројка на иселените од земјава, пак, е дури четвртина од вкупното население, односно околу 500.000 граѓани.

Заедно со Ерменија, Молдавија и Босна и Херцеговина, Македонија има најголем одлив на високообразован кадар, вели Бојан Шимбов, економист во Светска банка.

Светската банка предупредува дека мора да се преземат чекори за да се спречи одливот на таленти, бидејќи во спротивно ќе се доведе под ризик целокупната економија, пазарот на труд, како и одржливоста на пензискиот и здравствениот фонд. (Крај)

извор: Независен фото: архива